ស៊ុន ស៊ីហនិតនោវី៖ ចង់ជោគជ័យ ត្រូវចាប់ផ្តើមផ្លាស់ប្តូរទម្លាប់

• ដំបូង៖ ចូរធ្វើតារាងដើម្បីរៀបរាប់ពីទម្លាប់ទាំងឡាយដែលអ្នកចង់សម្រេចបានក្នុងរយៈពេលមួយឆ្នាំខាងមុខនេះ។

ប្រហែលច្រើនដងណាស់ក្នុងមួយថ្ងៃ ដែលអ្នករិះគន់ខ្លួនឯងពីកាលដែលអ្នកពន្យាពេលនូវអ្វីដែលអ្នកត្រូវធ្វើ និងផ្លាស់ប្តូរ។​មកពីមូលហេតុមួយចំនួន ដូចជា កង្វះការលើកទឹកចិត្ត កង្វះការផ្តួចផ្ដើម ឬកាលដែលមិនមានផែនការច្បាស់លាស់ ដែលជាប្រភពនាំឲ្យទម្លាប់អាក្រក់មួយចំនួនកើតមានក្នុងជីវិតអ្នក។

ដូច្នេះ ដល់ពេលដែលអ្នកត្រូវផ្លាស់ប្តូរទម្លាប់ទាំងនោះឲ្យកា្លយជាទម្លាប់ថ្មីក្នុងរយៈពេល​២៥​ថ្ងៃ។

នៅពេលនេះ​ ចូរអ្នកសរសេរចុះនូវទំលាប់ដែលអ្នកចង់ផ្លាស់ប្ដូរ​ ឬ ចង់សម្រចបាន ឲបានយ៉ាងតិចចំនួន ៣ ដែលត្រូវច្បាស់ថាទម្លាប់ទាំងនោះនឹង​ធ្វើឲ្យជីរិត និងវិជ្ចាជីវ:របស់អ្នក​រីកចម្រើន។

ឧទាហរណ៍​៖

១-​ អានសៀវភៅមួយថ្ងៃឲ្យបាន​ ១៥​ នាទី​

២-​ ​រៀបចំគ្រែរៀងរាល់ព្រឹកក្រោយងើបពីគេង

• បន្ទាប់៖ អ្នកត្រូវរៀបចំផែនការ​ ដើម្បីធ្វើការយកឈ្នះក្នុងការទទួលបានទម្លាប់ថ្មីទាំង​ ៣ ។

ជំហានទី១-​ ពេលនេះចូរសួរខ្លួនឯងនូវសំណួរសំខាន់នេះ​ ”តើទម្លាប់ទាំងអស់នេះនឹងនាំឱ្យជីវិតខ្ញុំល្អ​ប្រសើរជាងមុន រឺទេ?​ “

ចូរកុំមើលរំលងរឿងដែលអ្នកធ្លាប់បានព្យាយាម​ ហើយបរាជ័យក្នុងអតីតកាល។

ឧទាហរណ៍៖    អ្នក​ធ្លាប់​បានព្យាយាមសម្រកទំងន់ ១ឆ្នាំចុងក្រោយនេះ ហើយអ្នកចង់ធ្វើវាម្តងទៀត​ ចូរអ្នកសរសេរវាចុះ។

ជំហានទី​២–​ ដាក់ទម្លាប់ដែលអ្នកចង់សម្រេចបានមុនគេ តាមលំដាប់ពីលើចុះក្រោម។​

យើងនឹងផ្តោតទៅលើទម្លាប់មួយម្តងៗ​ រៀងរាល់២៥ថ្ងៃ។

ជំហានទី៣-​ ចាប់ផ្តើមទម្លាប់ថ្មីជារៀងរាល់ ២៥ ថ្ងៃ។

គ្រាន់តែនៅក្នុងមួយឆ្នាំ អ្នកនឹងឃើញជីវិតរបស់អ្នកស្ទើរតែល្អឥតខ្ចោះ។ ស្របគ្នាផងដែរ អ្នកនឹងបានអនុវត្តទម្លាប់ជាច្រើនដែលអ្នកធ្លាប់បានគេចវេសជាយូរមកហើយ។

• បន្ទាប់៖ អនុវត្តតាមដំណើរការ ៦ជំហានសម្រាប់ការរក្សាការអនុវត្តទៅលើទម្លាប់នោះឲ្យឋិតថេរ

ជំហានទី១–​ កំណត់គោលបំណង

ចូរសួរខ្លួនអ្នក “តើខ្ញុំចង់សម្រេចអ្វី?​”

ឧទាហរណ៍​៖

១- ខ្ញុំចង់សម្រកទម្ងន់

២- ខ្ញុំចង់ពង្រឹងភាពជាអ្នកដឹកនាំរបស់ខ្ញុំ

ជំហានទី២-​ ស្វែងរកនិមិត្តរូប (Role Model)

នៅពេលដែលអ្នកឃើញអ្នកដទៃធ្វើបាន​ ដូច្នេះអ្នកក៏មិនរុញរាដែរ។

ឥឡូវនេះចូរសួរខ្លួនអ្នក “តើអ្នកណាដែលបានសម្រេច​ ទៅលើការគ្រប់គ្រងទម្លាប់ ដែលអ្នកកំពុងចង់សម្រេចបាន? “

ឧទាហរណ៍៖    ១- លោកប៉ារបស់ខ្ញុំជានិមិត្តរូបខ្ញុំ​ ព្រោះគាត់ជាមេដឹកនាំដ៏ល្អម្នាក់នៅក្នុងគ្រួសារ ទាំងនៅក្នុងស្ថាប័ន។

ជំហានទី៣​​- រៀបរាប់ពីអត្ថប្រយោជន៍ដែលនឹងទទួលបានក្រោយគ្រប់គ្រងទម្លាប់នោះបាន

ចូរសួរខ្លួនអ្នក “តើខ្ញុំនឹងបានផលចំណេញអ្វីខ្លះពីវា?”

ឧទាហរណ៍៖​    ខ្ញុំសម្រកទម្ងន់បាន ខ្ញុំនឹងមានសុខភាពល្អ,​ មានរូបរាងស្អាត​, ស្លៀកពាក់អ្វីក៏សម​ ល-​ ។

ជំហានទី៤-​ ប្រយ័ត្ន​តំបន់គ្រោះថ្នាក់

ចូរសែ្វងរកនូវស្ថានភាព ពេលវេលា​ និងទីកន្លែង ដែលអ្នកនឹងអាចបោះបង់​ ឬចុះចាញ់។​

ហេតុអី្វចំនុចនេះសំខាន់?​ ពេលខ្លះអ្នកមិនបានចាប់អារម្មណ៍ថាអ្នកកំពុងតែធ្វើសកម្មភាព ដែលធ្វើឱ្យទម្លាប់ល្អរបស់អ្នកបាត់បង់នោះទេ។​

ឧទាហរណ៍៖​    ពេលចូលរួមកម្មវិធី អ្នកភ្លេចថាខ្លួនឯងកំពុងបរិភោគទឹកក្រូច​ និងចំនីផ្អែមច្រើន​ (ដែលនាពេលនេះអ្នកកំពុងព្យាយាមសម្រកទម្ងន់​)

ជំហានទី៥– សកម្មភាព​ដែលនាំឱ្យទទួលបានភាពជោគជ័យ

ចូរអ្នកគិតទៅលើសកម្មភាពជាក់លាក់ដែលអ្នកនឹងត្រូវធ្វើ ដើម្បីសម្រេចគោលដៅ ដែលបានរៀបរាប់ក្នុងជំហានទី១ ។

ឧទាហរណ៍៖    ខ្ញុំនឹងហាត់ប្រាណ​រយ:ពេល១៥នាទីរៀងរាល់ថ្ងៃ​ និងកាត់បន្ថយការញុាំបាយពីពីរចានទៅមួយចានរាល់ពេល (ដើម្បីទទួលបានភាពជោគជ័យក្នុងការសម្រកទម្ងន់)

• ចុងក្រោយ៖ ជៀសវាងពាក្យកុហកទាំងបី

រាល់ពេលដែលអ្នកមិនអាចគ្រប់គ្រងឆន្ទ:របស់អ្នកបាន​ ឬ ការដែលអ្នកត្រឡប់មកធ្វើនូវទំលាប់អាក្រក់វិញនោះ មានន័យថាអ្នកកំពុងជឿលើពាក្យកុហកទាំងបីខាងក្រោមនេះ៖

១​-​ “តែបន្តិចគ្រប់គ្រាន់ហើយ”​ ដូចជា​ ញុំ​ស្រាតែមួយកែវទេ​, ជក់បារីតែមួយដើមទេ,​ ញុាំនុំនេះតែមួយដុំទេ។

រាល់ពេលដែលអ្នកលឺសំដីទាំងអស់នេះ​ សូម​ចងចាំថាវាសុទ្ឋតែជាពាក្យកុហក។

សួរខ្លួនឯងទៅមើលថា​ ​”ញុាំនុំតែមួយដុំគ្រប់គ្រាន់ដែរឬទេ?​” ដែលដូចសុភាសិតបរទេសមួយបានចែងថា​ “one is too many and thousand is not enough​’’

២-​ “សាកតែម្តងទៀតទេ”​ នៅពេលអ្នកជឿកុហកទី១​ហើយ​ កុហកទី២​ក៏កើតមានចូលមក​ “ណាស់​ហើយ​, បើជ្រុលញុាំមួយដុំហើយ​ បើសាកមួយដុំទៀត ក៏មិនអីដែរ”

៣-​ បន្ទាប់មក​ កុហកទី៣​ ក៏លេចឡើង​ “បោះបង់ចោល​”​

ដោយសារតែ​ធ្វើ​នូវអ្វី​ដែល​អ្នកមិនចង់ធ្វើ​ អ្នកប្រាកដជាមានអារម្មណ៍ពិបាក​ ឥឡូវនេះច្បាស់ណាស់ថាអ្នកនឹងនិយាយទៅកាន់ខ្លួនឯង​ “ខ្ញុំជាមនុស្សគ្មានតំលៃ​ គ្មានក្តីសង្ឃឹម​ គ្មានគោលដៅ។​ ខ្ញុំមិនអាចគ្រប់គ្រងខ្លួនឯងបាន​ មានតែបោះបង់វាចោល”​ ។

ដូច្នេះ​ ពេលណាដែលអ្ន​ក​លឺ​ “តែម្តងទេ​​”, ​”តែបន្តិចទេ”​ ត្រូវចងចាំថាវាសុទ្ឋតែជាពាក្យកុហក​។

ហើយ​បើជ្រុលជាធ្វើវាហើយ​ សូមកុំបណ្តោយឲកាន់តែអាក្រក់ជាងនេះ​ អ្នកត្រូវតែចាប់ផ្តើមទប់ស្កាត់វាភ្លាមៗ​។

ដូចសុភាសិតបរទេសមួយ ‘’No man is a loser until he quits trying’’ – Jim Sharkey